Vémonos en Combarro

Ca publicación da Reportaxe do XIIº Encontro de Embarcacións Tradicionais de Cabo de Cruz 2015, poñemos fin ás publicacións tanto na páxina de facebook (https://www.facebook.com/encontrocabo2015) coma nesta web do encontro (http://www.encontrocabo2015.org). Ámbolas dúas permanecerán abertas e desde aquí, invitámosvos a facervos seguidores do XIIIº Encontro que se vai celebrar en Combarro-Poio entre o 29 de xuño e o 2 de xullo de 2017, https://www.facebook.com/XIII.Encontro.Combarro.2017
WEB: http://combarro2017.culturmar.org
Vémonos en Combarro¡
P.D. Seguiremos publicando as nosas novas no Facebook da A Gamela (https://www.facebook.com/gameladecabodecruz) e na web http://www.gameladecabodecruz.org/

FOTOS DO HOMENAXE A GAMELA - LEMBRANDO O ENCONTRO

ADIANTO DO DOCUMENTAL DO ENCONTRO QUE SE VAI PROXECTAR O VINDEIRO SÁBADO 9 DE XULLON ÁS 21:00 NO CENTRO SOCIAL DE CABO DE CRUZ, CO GALLO DO "HOMENAXE A GAMELA DE CABO DE CRUZ - LEMBRANDO O ENCONTRO"

HOMENAXE A GAMELA DE CABO DE CRUZ - LEMBRANDO O ENCONTRO . III XUNTANZA DE PALILLEIRAS E BORDADORAS

A Asociación A Gamela de Cabo de Cruz, xunto o Concello de Boiro está a organizar un programa de actuacións para homenaxear á embarcación a gamela e lembrar o “Encontro de Embarcacións Tradicionais de Galicia” en Cabo de Cruz que tivo lugar o pasado ano no mes de xullo.

O acto “ Homenaxe á Gamela de Cabo de Cruz: Lembrando ao Encontro” céntrase na figura desta embarcación considerada como elemento patrimonial mariñeiro e etnográfico moi representativo deste pobo mariñeiro.

Prácenos achegarlle invitación e programa no que esperamos contar coa súa presenza e que nos axude a difundir dito programa cultural.

PROGRAMACIÓN

PREVIA: VENRES 8 DE XULLO DO 2016
Lugar: Centro Social de Cabo de Cruz
20:00h - Inauguración da exposición fotográfica (Imaxes Encontro 2015)

21:00h – Teatro: “Un Mar de Mulleres” (Chicas da Memoria Cruz Vermella Local Boiro)


ACTO CENTRAL: SÁBADO 9 DE XULLO DO 2016
Lugar: Centro Social de Cabo de Cruz
20:45h - Inauguración III Xuntanza de Palilleiras e Bordadoras CSoCC
21:00h - ACTO DE HOMENAXE á Gamela presentado por Xurxo Souto e proxección do vídeo documental Encontro 2015

Lugar: Peirao de Cabo de Cruz
22:30h – INAUGURACIÓN da réplica da Gamela Esperanza – Liberdade

Actuacións a cargo de:

“O AQUEL DE AQUELAR 2.0”

CANTAREIRAS “NUNCA É TARDE”

“AR DE LOUREDA”

FOLIADA

LEMBRADE QUE A XUNTANZA DE PALILLEIRAS E TAMÉN TODO O DOMINGO DIA 10

POESÍA OCEÁNICA

Estimados amig@s,

 remitimos información da presentación do poemario de Xosé Iglesias "Tranasfusión Oceánica", que terá lugar no Asteleiro Triñanes (Chazo - Cabo de Cruz) o sábado 12 de decembro ás 19:00h., agradecendo, por adiantado, a vosa colaboración na difusión e participación deste programa cultural.

Convídamovos a compartir uns momentos de poesía oceánica neste privilexiado lugar que son os estaleiros Triñanes, en Boiro.

Gerardo Triñanes cede os seus metros de traballo e súor, para que neles se conxugue o mar coa fasquía das súas embarcacións de madeira tradicionais.

As eixolas darán paso ós versos e tamén ás melodías dunha forte promesa galega que move os dedos no piano como nós as mans na rede. Aida Saco Beiroa porá a música neste escenario.

Presentará o acto o poeta Paco Souto e contaremos tamén cos poemas de María José Fernández .

Un saúdo

AGRADECEMENTO A TÓDOLOS/AS COLABORADORES/AS E PARTICIPANTES DO ENCONTRO

Cabo de Cruz, 24 de Xullo do 2015

Apreciado/a Amigo/a:

A través deste escrito, Gerardo Triñanes, coma presidente do Comité Organizador do XII Encontro de Embarcacións Tradicionais de Galicia Cabo de Cruz 2015, e en nome de todo o seu equipo saúdao afectuosamente.

A través deste escrito,  queremos facerlle chegar o noso agradecemento pola súa xenerosa colaboración e contribución e dicirlle que a súa axuda foi moi importante dado que con ela e con outras colaboracións mais, puidemos levar a cabo a diversa cantidade de actividades culturais de mar e de terra do 9 ao 13 de xullo do presente.

 Todos os membros do Comité Organizador queremos darlle as gracias novamente pola súa axuda sincera e desinteresada, esperando haber obtido a súa satisfacción tras o desenvolvemento do evento.

Sen outro particular, reciba un cordial saúdo

Gerardo Triñanes

Presidente

DOUS VIDEOS DOS RADIOS QUE ESTIVERON NO ENCONTRO

VIDEO BALLET FOLCLÓRICO

CANDIÑO FOTOGRAFIA

Encontros embarcacións

Si prefieres, puedes visionarlo en VIMEO, en el siguiente enlace:https://vimeo.com/133328905Recuerda pinchar en HD para mejorar un poco la calidad de imagen.Este video realizado íntegramente con el móvil, intenta reflejar solo una minima parte de todo lo que se pudo vivir en nuestro pueblo "CABO de Cruz" durante estos intensos cuatro días de "ENCONTROS EMBARCACIONS TRADICIONAIS" Mi mas sinceras felicitaciones y agradecimientos a todos los organizadores, voluntarios, participantes y en general a todo un pueblo plenamente volcado en que fuese una celebración para el recuerdo. FELICIDADES a tod@s!!!

Posted by Candiño Fotografia on Lunes, 13 de julio de 2015

SOBREMESA MARIÑEIRA

Posted by EncontroCabo2015 on Sábado, 11 de julio de 2015

MONTAXE DAS CARPAS E EXPOSICIÓNS

Xa están chegando as primeiras

Posted by EncontroCabo2015 on Martes, 7 de julio de 2015

O POBO DE CABO PREPARASE PARA O EVENTO

CARTELES DAS ACTIVIDADES

III GRAN PREMIO AGALCARI

Posted by A Gamela Cabo DA Cruz on Lunes, 29 de junio de 2015

GRUPOS

XA TEMOS PROGRAMA

Adiantamos CUATRÍPTICO en catro imaxes para facilitar a descarga e o link público para descargalo en pdf.

DESCARGAR CUATRÍPTICO EN PDF

PRETIÑO DAS CEN EMBARCACIÓNS

Estamos moi preto de chegar ás CEN embarcacións inscritas.

A número 95.-EVANGELINA I: impresionante construcción de madeira que data de 1912 e ten casi 19 metros de eslora, 5 metros de manga e 1,65 metros de puntal. Arbolado con dous mástiles construidos ó estilo da época e velas cuadradas, o barco foi desarbolado nos anos sesenta, para ser sometido fai apenas un lustro, a un profundo proceso de restauración, para devolverlle a súa imaxen orixinal.

VER LISTA DE EMBARCACIÓNS

Non vos perdades a nova sección de Audios sobre o ENCONTRO, realizados en RADIOBOIRO
NOVO APARTADO DE AUDIOS-RADIOBOIRO

AUDITORIO DO MUSEO DO POBO GALEGO

PRESENTACIÓN OFICIAL DO XIIº ENCONTRO

O vindeiro sábado 20 de xuño ás 12:00 h vai ter lugar no Museo do Pobo Galego a presentación oficial do XII Encontro de Embarcacións Tradicionais de Galicia.

Participarán no acto o presidente do Comité Organizador, o presidente da FGCMF, a Conselleira do Medio Rural e o Mar, o Secretario Xeral de Cultura, a Directora da Fundación Centro Artesanía e do Deseño e o Alcalde de Boiro.

Asimesmo tamén estarán presentes no acto o Presidente de Portos de Galicia, a Directora Xeral de Desenvolvemento Pesqueiro e representantes do Museo do Pobo Galego

Este acto está aberto a calquera persoa que queira asistir; e nel vaise presentar de forma sintética o XII Encontro, as actividades en terra e no mar e darase unha primeira visión dos participantes, que neste momento está previsto que veñan de Irlanda, Gran Bretaña, Francia, Cataluña, Pais Vasco, Cantabria, Málaga, Croacia, Portugal, e por suposto Galicia.

Animámosvos a todos os interesados no patrimonio marítimo a asistir a esta presentación que marca o inicio da recta final na preparación do Encontro.

E POLA TARDE, NO MUSEO DO MAR DE RIANXO a charla coloquio sobre o Patrimonio marítimo. Podedes ver no cartel que amosamos a continuación, o programa completo (Actividade previa de presentación do Encontro da Mancomunidade Arousa Norte)

Os Concellos que forman a Mancomunidade de Municipios Arousa Norte están a realizar distintas actividades previas ó XII ENCONTRO DE EMBARCACIÓNS TRADICIONAIS DE GALICIA, Cabo da Cruz do 9 ao 12 de xullo.

No Concello de Rianxo desenvolveranse o sábado 20 de xuño, seguindo o seguinte programa:

De 11.00 a 14.00 h Obradoiros mariñeiros e bautismos de mar (con previa inscrición) no Náutico de Rianxo. Información e inscricións, do 11 ao 18 de xuño no Auditorio.

18.30 h Charla- coloquio: “Patrimonio marítimo, usar é conservar”, a cargo de Lino Lema, Pablo Carrera, Xerardo Agrafoxo e Adolfo Muíños no Museo do Mar de Rianxo

20.00 h Concerto “Para ser bo mariñeiro...”, a cargo da Aula de Música Tradicional da Uned-Senior de Rianxo, no patio do Museo do Mar