18/06/2015

AUDITORIO DO MUSEO DO POBO GALEGO

PRESENTACIÓN OFICIAL DO XIIº ENCONTRO

O vindeiro sábado 20 de xuño ás 12:00 h vai ter lugar no Museo do Pobo Galego a presentación oficial do XII Encontro de Embarcacións Tradicionais de Galicia.

Participarán no acto o presidente do Comité Organizador, o presidente da FGCMF, a Conselleira do Medio Rural e o Mar, o Secretario Xeral de Cultura, a Directora da Fundación Centro Artesanía e do Deseño e o Alcalde de Boiro.

Asimesmo tamén estarán presentes no acto o Presidente de Portos de Galicia, a Directora Xeral de Desenvolvemento Pesqueiro e representantes do Museo do Pobo Galego

Este acto está aberto a calquera persoa que queira asistir; e nel vaise presentar de forma sintética o XII Encontro, as actividades en terra e no mar e darase unha primeira visión dos participantes, que neste momento está previsto que veñan de Irlanda, Gran Bretaña, Francia, Cataluña, Pais Vasco, Cantabria, Málaga, Croacia, Portugal, e por suposto Galicia.

Animámosvos a todos os interesados no patrimonio marítimo a asistir a esta presentación que marca o inicio da recta final na preparación do Encontro.

E POLA TARDE, NO MUSEO DO MAR DE RIANXO a charla coloquio sobre o Patrimonio marítimo. Podedes ver no cartel que amosamos a continuación, o programa completo (Actividade previa de presentación do Encontro da Mancomunidade Arousa Norte)



Os Concellos que forman a Mancomunidade de Municipios Arousa Norte están a realizar distintas actividades previas ó XII ENCONTRO DE EMBARCACIÓNS TRADICIONAIS DE GALICIA, Cabo da Cruz do 9 ao 12 de xullo.

No Concello de Rianxo desenvolveranse o sábado 20 de xuño, seguindo o seguinte programa:

De 11.00 a 14.00 h Obradoiros mariñeiros e bautismos de mar (con previa inscrición) no Náutico de Rianxo. Información e inscricións, do 11 ao 18 de xuño no Auditorio.

18.30 h Charla- coloquio: “Patrimonio marítimo, usar é conservar”, a cargo de Lino Lema, Pablo Carrera, Xerardo Agrafoxo e Adolfo Muíños no Museo do Mar de Rianxo

20.00 h Concerto “Para ser bo mariñeiro...”, a cargo da Aula de Música Tradicional da Uned-Senior de Rianxo, no patio do Museo do Mar





Ningún comentario:

Publicar un comentario

Estás de acordo en non publicar material abusivo, obsceno, vulgar, de odio, ameazante, orientado sexualmente, ou ningún outro que dalgunha forma viole leis vixentes. Se publicases material desa índole o teu proveedor de Acceso a Internet sería informado. O enderezo IP de todas as mensaxes gárdase para axudar a cumprir estas normas. Estás de acordo en que o webmaster, administrador e moderadores teñen o dereito de borrar, editar, mover ou pechar calquer comentario en calquera intre se o consideran axeitado. Como visitante aceptas que toda a información que introduciches sexa almaceada nunha base de datos. Malia que esta información non será proporcionada a terceiros sen o teu consentimento, o webmaster, administrador e moderadores non poden responsabilizarse por intentos de hackers que podan levar a que esta información se vexa comprometida.
Ao comentar, estás aceptando todas estas condicións.

MEDRE O MAR!

ENCONTRO CABO 2015

PRESENTACIÓN POR XURXO SOUTO DO XII ENCONTRO DE EMBARCACIÓNS DE GALICIA, VIDEO DE PABLO CHOUZA

Posted by EncontroCabo2015 on Miércoles, 17 de junio de 2015